【人多真係好辦事？】- 帕金森定律 (Parkinson's Law)
#敗壞的金字塔架構 #人力資源管理學 #帕金森定律 #UCD
-----------------------------------
當發現公司自己department業務日漸繁忙，都會想向老細求救增加人手，而好多時老細都會放手俾各部門阿head負責做請人同in人工作，但最後請返黎係咪真係「幫到忙」，定或係「幫倒忙」？
有例子睇到雖然公司有提供額外資源招聘人手，但最後只形成架構複雜同臃腫，嚴重拖慢整體效率，反而不利公司發展，而其中一個原因就可以用「帕金森定律」去解釋，當一個上司想顯示自己擁有權力或者隱暪自身能力上不足，就將自己工作重要性同複雜性誇大希望增加下屬，而出於自我保護心態怕地位同權力被取代，聘請的下屬都唔會揀能力太高，反而傾向揀能力平庸但聽話的下屬做副手，如此類推，如果公司上下都抱有同樣心態發展落去，平庸的中層再聘請比自己更平庸的下屬，成間公司就會累積左一班能力不高又幫唔到手的員工，最後只會拖垮公司運作。
而想解決「帕金森定律」方法首要係改變管理層心態，用人惟才，疑人不用，用人不疑，聘用真正人才先可以令架構有健康發展；第二就係每個層級要透明化，清楚層級職務同相關員工人數，避免將工作分得太細令效率下降；最後就係免去中間管理層有任意請人的權力，杜絕因私心而浪費公司資源情況。
帕金森定律 (Parkinson's Law)參考資料：
http://www.fluent-time-management.com/parkinsons-law.html
Search